GARAIPENAREN BILA!

Somos Eibar taldeak Erromo jasoko du Ipuruako kiroldegian larunbatean arratsaldeko 6:30etan. Liga bereko bi arerio, bizkaitarrak puntu bakarreko aldea dute eibarkoekiko eta beheko postuak atzean usteko helburuarekin aterako dira biak. Fernandok ezingo ditu Aner Cardo eta Eneko Garetxana kantxaratu, beraien lesioetatik berreskuratzen ari direlako oraindik. Gainera, Axier Guisasola ostiralean min hartu zuen, ez zen Trapagaranen egon eta ezin izan du aste osoan entrenatu, duda da larunbaterako.

Askotan elkartu dira bi talde hauek txapelketan. Bizkaitarrak bi denboraldi jarraian daramatzate garaipenik lortu gabe Eibarren eta bolada horri jarraipena ematea nahiko diote etxekoek. Baina bi puntuak lortzea nahi badute eibartarrek, Anderson Caycedo eta Javier Aldecoa jokalarietan jarri beharko dute arreta berezia, 38 eta 35na gol daramatzate eta.

Senior mailan, Grupo Mecalbek Egia Petritegi jasoko du Ipuruan igandean 11:45etan. Gizonezkoak ere kiroldegian arituko dira Laubide Jatetxea Legazpiren contra larunbatean arratsaldeko 4:30etan. Hasierako sentsazioak berreskuratzera irtengo dira pistara eibartarrak. Mecalbe jubenilak Zarautzerainoko bidea hartu beharko du larunbatean Aiala taldearekin lehiatzeko goizeko 10etan. Teknikerrek aldiz txapelketako bigarren fasea hasiko du asteburu hontan. Zortzigarren postutik hamalaugarreneraino sailkatuak erabakiko diren fasea eta Urola Hortz Klinika izango du aurkari talde eibartarrak lehen jardunaldi honetan. Norgehiagoka Zumarragako Ispilla kiroldegian jokatuko da larunbatean goizeko 11etan.

Bigarren fasea hasiko duen ben taldea bat Mecalbe kadetea da, baina kasu hontan lehenengotik zazpigarren posturaino erabakiko diren partidetan hartuko du parte. Txikixa Taberna Pulpo jasoko dute Ipuruan igandean 10:15etan; Muelles Zaldua ere etxean arituko da Saieko-La Salleren contra larunbatean 11:45etan; Mutilek ere propio egingo dute larunbatean beraien arerioekin Uniberstitate Laboralean jasoz. Tekniker taldeak azken fasea hasiko duen bitartean Hiru Thermik Lehioak Aloña Mendiren contra 12:30, Komatek Egiaren bigarren taldea jasoko du 11:15etan.

Infantil mailan, Urkotronikek Saieko-La Salle jasoko du kiroldegian larunbatean goizek 10:30etan. Mecalbek ere Laboralean arituko da Udarregi Usurbilen aurka launbatean goizeko 10etan. Ametsak aldiz Ordizia Irurena bisitatuko du igandean 10etan Majoriko kiroldegian jolastuko den neurketan. Mutilak aldiz etxetik kanpo arituko dira. Hierros Servandok Amenaba C taldeari egingo dio bisita igandean 11:15etan Antonianoko kiroldegian eta Bengoa Elektrizitateak Exola Construccionas Hondarribiaren kontra izango du larunbatean 12:30etan Iruneko Urazu frontoian. Alebinak ere bueltan dira eta gainera etxetik kanpo arituko dira bi El Tio Palancas taldeak igandean. Neskak Sanlo Sukiaren kontra 11etan eta mutilak Bera Bera taldearen aurka 10etan Donostin.