Otsailaren 19-20ko asteburua

Hurrengoko fetxak direla eta ez da egongo hitzordu askorik, hori bai, gizonezkoen bai lehengo taldeak eta baita bigarrenak ere neurketa garrantzitsu bi dauzkate hurrengo asteburuan. Arrate Eibar Eskubaloi nagusiak Egia Teila fabrikaren bisita jasoko du Ipuruan larunbatean arratsaldeko 17:00etan 20. Jardunaldiari dagokion partidan. Filialak berriz, euskal koparen finala jokatuko du larunbatean 17:45etan Elgoibarko Olaizaga kiroldegian Universidad de Deusto-Loyola taldearen kontra.

19. garaipenaren bila kantxaratuko dira Fernandoren mutilak larunbatean. 12. sailkatuta dira donostiarrak 15 punturekin eta beheko postuak saihestea dute helburu. Sailkapen taulan ematen duena baino lehia gogorragoa izango delakoan dira armaginak, bolada onean badira ere, ezin dira fidatu sekula. Ezta iraingoan ere ez. Lehen itzuliko emaitzari begiratuta gainera eibartarren alde egiten du pronostikoak, hala ere, adi arerioarekin. Kontuan hartu behar da ere ligako goleatzailerik nagusiena dutela taldean, Mikel Royok 137 sartu ditu guztira eta motzean lotu behar den jokalaria da ezbairik gabe. Gogoratu Ipuruako neurketa zuzenean ikusgai izango duzuela Eibar Eskubaloiaren Youtube kanalean.