FINALERA!

Finalera! Emakumezkoen Mecalbe Eibar Eskubaloiak Gipuzkoako koparen finalera sailkatzeko txartela eskuratu zuen larunbatean Leizaran Lanbroa Tabernaren kantxan irabazi eta gero, Andoainen, alegia (23-33). Hirutik hiru eta 6 punturekin zuzenean azken neurketa garrantzitsura B multzoko lidertza lortu eta gero. A multzoan, bestalde azken uneraino iraun zuen parekotasunak eta azken partida erabakiorrean Gaurve Asesores Elgoibarrek eta Berak Berak lehia berdindu eta puntu berdinekin bukatu dute azken txanpan. Hori bai, sartutako golen diferentziari esker “derbia” izango dugu finalean Elgoibartar eta eibartarren artean. Multzoko beste partidan Ameztoi Zarautzek errez irabazi zion Construcciones Ugarte Aloña Mendiri, baina bigarren bukatzeko besterik ez zion balio izan.