Gipuzkoako Koparen hasiera

Emakumezkoen eskubaloiak Mek Eibar Eskubaloia eta Leizaran taldeen arteko kopako lehen partidaz gozatuko du larunbat honetan. Ipuruako kiroldegian 11:45etarako jokatuko den partiduarekin, bi taldeek abantaila bat ziurtatu nahi dute lehen fase honetan.

Mek Eibar Eskubaloia helburu argiekin sartu da kopa honetan: erasoko jokoa indartzea, ligan erronka handia izan baita haientzat, eta jubenilei minutuak eskaintzea, laster senior mailara igoko baitira. Estrategia horrek aukera eman diezaioke Mek taldeari kopan aurrera egiteko ez ezik, baita bere taldea indartzeko ere, etorkizuneko lehiaketei begira.

Bestalde, Eibar Eskubaloia eskubaloiaren urteroko festa prestatzen ari da, maiatzaren 17tik 19ra izango dena. Ospakizunak Untzagan txosna bat eta klubaren merchandising salmenta izango ditu, eta La Otra Kalle taldearen kontzertu alaia eta eskubaloi eskolako hainbat partida ere izango dira. Gainera, klubak Eibarko eskubaloiarekin loturaren bat izan duten zale, familia, jokalari eta entrenatzaile guztiei dei egin nahi die, larunbatean, hilak 18, 13:30ean, Unzagan egingo den argazki masiboan parte hartzeko.