Igoera fasearen kronika

Ezin izan zen lortu. Ez Grupo Mecalbe kadeteak Eibar eta ezta Hierros Servando Eibarren lehen taldeak ere ez, gogor borrokatu zuten arren, ez ziren gai izan helburua lortzeko. Hala ere, ezin dugu gutxietsi behar denboraldiaren zehar egin duten lan zoragarria, kadeteentzat, adibidez, sari bat zen fasea jokatzea. Eta ezin dugu ahaztu ere ez Hierros Servando Eibarrek liga txapelketa irabazi berri duela, mailako talderik onenetarikoa izan dela ziurtatuz. Datorren kurtsoari begira motibazio puntu bat emango dion emaitza ezbairik gabe.

Esan bezala, Mecalbe kadeteko neskentzat sari bat izan da Espainiako bigarren fasea jokatzea Terrassan, nazio osoko talderik onenetarikoen aurka neurtu zituzten indarrak, eta punturik lortu ez zuten arren, itxura ona eman zuten eibartarrek, eta garrantzitsuena, esperientziaz asko gozatu zuten.  Zoriontzekoa nesken lana, hori horrela, hitz goxoak besterik ez dituzte eskaintzen armaginek: “Eskerrak eman nahi dizuegu talde guztiaren partetik asteburu osoan jaso dugun babesa eta giroarengatik”.

Hierros Servando Eibar lehen taldea ere esku hutsik bueltatu zen hirira, puntu bakarra lortuta, baina helburua eskuratu gabe.Dena dela, maila handiko hiru talderen aurka jokatzea egokitu zitzaien eibartarrei, esperientzia askoko jokalarien aurka alegia. Ez da aitzakiatzat erabili behar, hala eta guztiz, kontuan hartzeko lehen gauza bidaia da. Kanariar irletara hegazkinez joaten da, bai ados, baina ohitura faltak ez die mesede egin jokalariei. Horretaz gain, txapelketaren oihartzunak eta garrantziak presioa areagotze zuen jokalariengan. Eta lehenago aipatu duguna berrestekotan gaude, arerioen maila eta eskarmentua.

Hala ere, ez dira aitzakiatzat erabili behar aipatutako gauza horiek eta norberaren akatsak ikusten ikasi behar da. Horregatik, aitortu beharra dago taldeak ez zuela denboraldiaren zehar erakutsitako jokoa egin eta akats propioek kondenatu zutela. Lehen neurketa, etxeko Gourmet Ampate Lanzaroteren aurka, erasoko faltek taldea gehiegi zigortu zuten (28-21). Berriz ere esanda, eskarmentudun jokalariak izan zituzten aurrean. Asobal mailan aritutako Alexis Rodriguez (neurketako goleatzailerik onena Lander Casadorekin batera, 6kin) edota Francisco Javier Santana atezain beteranoa,besteak beste; ostiraleko norgehiagokan gelditu bikainak egin zituen Santanak. Azken hau, gainera, Arrate taldean aritutakoa, hori bai, ez zuen lehen taldearekin inoiz debutatu.

Bigarren hitzordua, Soria taldearen aurkakoa, parekatuagoa izan zen eta armaginek erakutsitako maila aitzin-partidan ikusi zena baino hobeagoa izan zela esan beharra dago (22-22). Hala ere, txapelketatik at gelditu ziren birtualki gure mutilak azken lehiaren faltan. Laner Casado bilakatu zen bigarren partida honetako goleatzailerik onena 7rekin; gainera, kontuan hartu behar da, Lander bera izan zela gol gehien sartu zituena multzoan, 20 hain zuzen ere; Igoera fase osoan atea gehien ikusi zuen bostgarrena.

Hirugarren, eta azken partidan, argi geratu zen zein taldek zuen zerbait jokoan eta Agustinos Alicantek erraz menderatu zuen talde eibartarra (37-25). Hala eta guztiz, Alacanteko mutilek ez zuten lehen postuan bukatzea lortu eta Gaztelako Soria bilakatu zen multzoko garaile, eibartarren aurka berdindu zutenak, alegia. Bitxia ematen badu ere,garaipen soil batekin eskuratu zuten lehen lekua eta ondorioz mailaz igotzea. Esanak esan, gauza bat argi dago. Bai lehen taldeko mutilek eta baita kadeteko neskek ere izugarrizko lana egin dutela urtean zehar eta azken porrotek ez dutela eman duten guztia zikinduko. Harro egotekoa ez bairik gabe, bai jokalariekin, bai teknikariekin eta baita Eibar Eskubaloia osatzen duten pertsona guztiekin ere.

• Senior Gourmet Ampate Lanzarote 28-21 Hierros Servando Eibar          1.j        Titerroy udal pabilioia, Arrecife
• Senior Hierros Servando Eibar 22-22 Club Balonmano Soria                   2.j        Titerroy udal pabilioia, Arrecife
• Senior Agustinos Alicante 37-25 Hierros Servando Eibar                        3.j        Titerroy udal pabilioia
• Kadete Handbol Terrassa Llegums Paquita 33-25 Grupo Mecalbe          1.j        Pavelló Can Jofresa, Terrassa
• Kadete Malkaitz A 31-15 Grupo Mecalbe Eibar                                      2.j        Pavelló Can Jofresa, Terrassa
• Kadete Grupo Mecalbe Eibar 14-16 CB Morvedre A                              3.j        Pavelló Can Jofresa, Terrassa
• Kadete Donibane Eskubaloia 24-31 Hierros Servando Eibar B                 2.j        Pasaiako udal kiroldegia