19. JARDUNALDIAREN KRONIKA

15. Garaipena batu zuen Hierros Servando Eibar taldeak Urban Cabero Barakaldoren kantxan irabazi eta gero (26-31). Ez ziren bi puntu errazak izan. Asko eta ondo borrokatutako neurketa izan zen eibartarren partetik. Nahiz eta, aurretik joan ia partida osoan zehar, armaginek ez zuten markagailua itxi azken une arte, oztopo ugari jarri bai zuten bizkaitarrek. Hala eta guztiz, maisuki gainditu zituzten Fernandorenek traba guztiak lidergoari eusteko. 31 puntu dituzte guztira eta hirugarren den Barakaldo bostera utzi dute larunbateko garaipena eta gero.

Lehen zatian aldea zabaldu ezinik egon ziren eibartarrak, hala ere aurretik ia zati osoan zehar.Atsedenaldirako berdintzea lortu zuten aldiz bizkaitarrek, horrela, dena erabakitzeko geratu zen bigarren zatian. Hari beretik ekin zion, berdintasuna nagusi zela, bigarren erdiak, ez zen batere erreza garailea asmatzea.  Orduan heldu zen kanpokoen sastada. Bost goleko partzialari esker garaipena ziurtatzen hasi ziren armaginak. Aldea eustea besterik ez zuten egin behar bukaera arte. 60 minutuak eta gero, bi puntuak eibarrera.

Goraipatzeko lana  berriro ere erasoan. 30 goleko langa gaindituz, fin ibili ziren mutilak atearen aurrean. Lander Casado eta Jon Barruetabeña bilakatu ziren norgehiagokako goleatzailerik onenak 7rekin. Aipatzeko beste gauza bat Mikel Zuloagaren itzulera da. Min hartuta denbora batez kanpoan egon eta gero berriz bueltan da berriz pibotea. Poztekoa. Datoren astean Erromo Indupime izango da Ipuruan, beste erronka handi bat ezbairik gabe.

Hona hemen gure taldeen beste emaitzak:

• Senior  Soraluze BKE 18-24 Hierros Servando Eibar B                6.j        Labegarietako kiroldegia, Bergara
• Jubenil Hierros Servando Eibar 33-16 Amenabar ZKE                6.j        Ipurua kiroldegia
• Jubenil Hettich ZKE 26-31 Hierros Servando Eibar B                  3.j        Zarautzko Udal kiroldegia
• Kadete Kalari Taberna Pulpo 12-12 Grupo Mecalbe Eibar B       1.j        Lubaki kiroldegia, Zumaia
• Kadete Hierros Servando Eibar 42-13 Hierros Servando Eibar B  1.j        Ipurua kiroldegia