30.JARDUNALDIA KRONIKA

TXAPELDUNAK. Hierros Servando Eibar taldeak Lehenengo Nazional mailako C multzoko liga titulua irabazi berri du, Beti-Onak nafarraren kantxan irabazi eta gero(30-32). Denboraldi ezin hobea burutu dute armaginek, bidean 12 puntu besterik ez dituzte utzi, 30 neurketatik 23 garaipen eskuratuz. Gainera, bigarren talderik goleatzaileena izan da eibartarra, Lander Casado buru dutela arlo honetan. Orain, Zilarrezko Ohorezko mailara igotzeko azken fasea jokatu beharko dute Fernandoren mutilek ekainean, denboraldi zoragarria borobiltzeko.

Asteburuko lehiara itzulita, joan etorriko lehia izan zen,erasoan fin aritu ziren bi taldeak, hala ere, kanpotarrak izan ziren aginte makila autoritate handiz eraman zutenak. “Neurketa parekatua izan zen, berdinketa askorekin. Kontzentrazioa galdu gabe jokatu genuela goraipatzea nahiko nuke, azken minutuetan batez ere”, adierazten du pozik eibartarren entrenatzaileak. Markagailuan aurretik uneoro, jokoan zutena kontuan hartuta, dena eman zuten gure jokalariek bi puntuak segurtatzeko. Arerioak ez zuen eze jokoan, baina aurpegia eman zuen 60 minututan, eibartarren jomuga kolokan jarriz. Hala eta guztiz, gure jokalariak ez ziren kikildu eta maisutasunez nagusitu ziren Atarrabian. “Beti-Onak, talde lehiakorra dela erakutsi zuten, denboraldi osoan zehar bezala eta horrek meritu gehiago ematen dio gure garaipenari, gogor lehiatu baitziren, eta horrek denoi mesede”, bukatzen du Fernandok. Etxeko Eneko Asuabarrena bilakatu zen norgehiagokako goleatzailerik onena 9 golekin; eibartarren aldetik, aldiz, Mikel Zuloaga izan zen onena 7rekin. Arrasatearrak lehengo maila berreskuratzea oso garrantzitsua izan daiteke igoera faseko 3 neurketetarako.

Zein taldek igoko duten erabakiko duen azken fasea ekainean jokatuko da, 4tik 6ra hain zuzen ere; sailkatutako 12 taldeak, 4ko 3 multzotan banatuko dira; multzo bakoitzeko lau taldeak elkarren aurka jokatuko dute 3 jardunalditan; multzo bakoitzeko garaileak mailaz igoko dira.

Kontuan hartu behar da, eibartarrak lehen postua eskuratuta sailkatu direla, beraz, astelehenak 24ean, arratsaldeko 17:00etan, Espainako Eskubaloi Federazioaren Youtube kanalean zuzenean ikusgai izango den zozketan, beste multzoetako lehen sailtau bat eta bi bigarren sailkatu tokatuko zaiela armaginei, Helvetia Anaitasuna izan ezik, noski.

Eibar Eskubaloi taldeen balentriak ez du etenik.Oraingoan,  Hierros Servando Eibarren bigarren taldeak beste ekintza gogoangarri bat burutu du Bigarren Nazional mailara igo eta gero. Multzoko bigarren partida Ordizia Siglo XX Plater Prestatuaki irabazi ondoren (30-26), matematikoki lortu zuten igoera. Bukaera arte erabaki ez zen emozioz beteriko norgehiagoka izan zen, non atezainen gelditu eta gutxiagotasun egoeretan erakutsitako mailari esker bi puntuak lortu zituzten. Ormaiztegi eta Egia Kosko Taberna taldeen arteko berdinketari esker, mailaz igotzea lortu zuten gure mutilek. Zorionak guztioi.

Baina Eibar Eskubaloiaren arraskatak ez dira lehen taldearekin amaitzen, Grupo Mecalbe jubenilak ere izugarrizko denboraldia burutu du, oraingo honetan Andu Proiektuak Oriori irabazita. Garaipen honekin, urteko partida guztiak irabaztea lortu ditu taldeak eta Gipuzkoako txapeldunak bilakatu dira! Denboraldi oso zaila izan da taldearentzat, bizi izan ditugun gauza guztiengatik, hala eta guztiz, jokalari guztiek partidu, zein entrenamendu guztietan dena eman dute. Eskerrik asko neskak eta segi eskubaloiaz gozatzen!!! Zorionak!

Senior Grupo Mecalbe Eibar 31-15 Juanjo Larrañaga Harategia Pulpo    2.j        Ipurua

Senior Hierros Servando Eibar B 30-26 Ordizia Siglo XXI Plater prestatuak          2.j        Ipurua

Jubenil Grupo Mecalbe Eibar 24-19 Andu Proiektuak Orio                                 5.j        Ipurua

Jubenil Hierros Servando Eibar 30-26 Urnieta Guria Jatetxea     (1. eta 4. pos.)  3.j        Ipurua

Jubenil Deca Elgoibar 25-23 Hierros Servando Eibar B               (12. Eta 14. pos)3.j        Olaizaga kiroldegia, Elgoibar

Kadete Sinergia Orio 23-22 Grupo Mecalbe Eibar                                              7.j        Karela kiroldegia, Orio

Kadete Grupo Mecalbe Eibar 23-28 Sinergia Orio                                              8.j        Ipurua

Kadete Neolith Orio 24-21 Grupo Mecalbe Eibar B                                            6.j        Karela kiroldegia, Orio

Kadete Hierros Servando Eibar 41-14 Ordizia                                                    7.j        Ipurua