Urteko lehen partida

Lehen Maila nazionaleko Mek Eibar Eskubaloiak urteko lehen garaipena lortu zuen (33-31) Romoren aurka, igoera faserako faboritoetako baten aurka. Garaipen honek, taldeari bi puntu garrantzitsu emateaz gain, konfiantza ematen dio denboraldiko bigarren itzulirako.

Partida hasieratik intentsitate eta abiadura handikoa izan zen. Ezberdintasunezko egoera ugari sortu ziren kanporatzeen ondorioz, guztira 13 eta txartel gorri bat batuz baina azkenean eibartarrek kontrola mantentzea lortu zuten bigarren zatian zehar, 3-4 goleko abantailari eutsiz.

Mek Eibar Eskubaloia Zilarrezko Mailak, berriz, Lleidan jokatu zuen, 22-21eko emaitzarekin. Hasiera zaila izan arren 3-0ko kontrako markagailuarekin, taldeak erresilientzia erakutsi zuen eta partidari buelta ematea lortu zuen, atsedenaldira 3 goleko abantailarekin iritsiz.

Hala ere, atsedenalditik irtetea ez zen hain positiboa izan, eta aurkariek hurbiltzea lortu zuten, markagailuko tartea gol batera murriztuz. Partida orekatua izan zen azken 5 minutuetara arte, eta une horretan aurkariak aurretik jarri ziren. Azkenean taldeak berdinketa lortzeko aukerak izan zituen arren, ez zen horrela gertatu.

Nabarmentzekoa izan zen Naia Benitezen lan bikaina, 8 gol sartu baitzituen partidan zehar.