Asteburu borobila klubarentzat

Nesken lehen garaipena etxean! Asko landutako garaipena lortu zuten Loizaga Castro Urdialesen aurka. Hasieratik, indartsu zelairatu ziren, ondo defendatuz eta kontraerasoa aprobetxatuz 6-1 jartzeko 10. minutuan.

Lehen zatia oso betea izan zen, defentsan eta eraso maila ona emanez, atsedenaldira 15-8ko emaitzarekin iristea ahalbidetuz. Bigarren zatian, Loizagak aldea murriztu zuen hiru golera jarri arte (17-14 40. minutuan), baina taldeak garaiz erreakzionatu zuen eta abantaila sei tantoraino handitu zuen (22-16 50. minutuan). Aurkaria defentsa gogor batekin estutzen saiatu zen arren, Eibarko jokalariek partida gidatzen jakin zuten eta markagailua 27-19 argiarekin itxi zuten. Bitxia bada ere, joaneko partidan emaitza bera lortu zuten.

Mutilek garaipen garrantzitsua lortu zuten Barakaldon. Pista zail batean bi puntu lortzeaz gain, taldeak erasoko akats asko izan zituen hasiera batean. Hala eta guztiz ere, defentsa funtsezkoa izan zen partida osoan zehar eta Barakaldo 22 goletan bakarrik utzi zuten, ligako talde golegileenetako baten aurka.

Bestalde, jubenil mutilek Legazpin jokatu zuten Euskal Ligarako igoera fasea. Promozio fasean lehen postuan geratzea lortu zuten, euren hiru partidak irabaziz eta Euskadiko Txapelketako hurrengo faserako txartela ziurtatuz.

Asteburu bikaina klubarentzat, garaipen garrantzitsuekin.