Español 
Mutilek, bestalde, balio handiko garaipena eskuratu zuten Bartzelonan. Palautordera talde berria zen mailan, hala eta guztiz, gauzak zail jarri zizkion gure taldeari. Lehia oso parekatua suertatu zen, lehen zatian batez ere, txapelketako aurreneko partida zela agerian geratuz. Dena dela, bi goleko errentarekin iritsi ziren gipuzkoarrak atsedenaldira, aldea ez zen zabala, baina nahikoa arerioa gertutik zaintzeko. Bigarrenean jaurtiketa portzentaiak hobetu eta diferentzia handitu zuten Fernandoren mutilek partiduko bi puntuak Eibarrera ekarriz. Mikel Zuloaga izan zen neurketan golik gehien egin zituena, 9 hain zuzen ere. Jon Barruetabeña bigarrena 6rekin. Nabarmentzekoa Koldo Estenaga jubenilaren debuta lehen taldean, bi golen egile, gainera. Datorren igande goizean Ipuruan egingo du debuta talde armaginak Lodisna San Antonioren aurka 2. jardunaldiari dagokion partidan.
Beste garaipen bat Arrate Eibar Eskubaloiko gizonen goi mailakoen sakura. Oraingo honetan, Ereintza Aguaplast menderatzea lortu zuten (24-29) azken aurreko jardunaldian eta txapeldunak zerbaitegatik direla erakutsi zuten beste behin. Hori bai, ez zen urteko garaipenik politena izan, hala ere, ulertzekoa da, talde guztiak azken faseko hiru neurketetan baitu burua. Esan bezala, errenteriako lehia nahiko parekatua suertatu zen. Lehenengo zatia, adibidez, etxekoena izan zen, aurretik izan baiziren 30 minutuetatik gehiena. Atsedenaldia heldu zenerako ere gainetik ziren errenteriarrak, hala ere, bigarren zati zoragarri batekin markagailua iraultzea lortu zuten armaginek, horrela, beste garaipen eskuratuz eta beste bi puntu batuz. Kanpotarren aldetik 12 jokalarik guztira gutxienez gol bat egitea lortu zuten, Fernandorenen lan talde zoragarria agerian utziz. Denen aurretik Asier Urain goraipatu 7 gol sartu baitzituen. Datorren asteburuan jokatuko dute azken jardunaldia, Ipuruan, Il capo Hondarribia Bidasoaren aurka larunbatean arratsaldeko 19:00etan. Igoera fasea hasi baino lehenagoko zaletuen azken bultzada.
Mutilek ez zuten gupidarik eduki eta erraz menderatu zuten Inmobiliaria ezker aldea Barakaldo bere kantxan. Maisutasunez gailendu ziren armaginak, inongo arazorik gabe, atsedenaldirako 11 goleko errentarekin heldu ziren. Bigarrenean, aldea ederki kudeatu eta beste bi puntu batu zituen talde eibartarrak. Mikel Zuloaga bilakatu zen neurketako goleatzailerik onena 14kin. Bukaerarako hiru partiduren faltan eta lidertza lotuta, irrikitan dira gure mutilak azken erronkari ekiteko. Iazko aho zapore garratza kendu eta lortu ez zutenaren bila joateko.
Gizonezkoen Arrate Eibar Eskubaloiak pauso ikaragarria eman zuen larunbatean eta sailkatzea lortzetik puntu bakarrera geratu zen Ipuruan Easygas Urduliz menderatu eta gero (37-33). Hasiera batean ematen zuena baino borroka gehiago eskaini zuten bizkaitarrek, sailkapena ikusita ez zirudien hain behean zeudenik. Lidertzan sendo, 11 puntuko aldea ateratzen dio talde armaginak hirugarren sailkatua den Il capo Hondarribia Bidasoari eta 12 besterik ez daude jokoan. Gainera, liga txapelketa honi bukaera ezinhobea emateko, lehen postua eustea izango dute helburu, hala ere, ez dute egutegi amaiera erraza. Dena den, orain arte erakutsi duten guztia ikusita sari eskuragarria dela dirudi. Baina, bigarren lekuan den Helvetia Anaitasuna 5 puntura da, beraz hortzak estutu beharko dituzte gure jokalariek.
Bikain ekin zuten neurketa eibartarrek 15 gol eginaz lehenengo ordu laurdenean, lehen zatian 22 guztira. Bigarrenean, aldiz, azeleragailutik oina altxatu eta lasaiago aritu ziren etxekoak, hori dela eta, kanpotarrek estutu eta markagailua bi goleko aldean jarri zuten. Hala eta guztiz, ondo eutsi zioten bizkaitarren oldarrei eta armaginak irten ziren garaile aldeko 6-4ko azken partzialari esker. Norgehiagokako goleatzailerik onena kanpotarren Erlantz Fernandez izan bazen ere 13 golekin, etxeko Mikel Zuloaga 8 eta Asier Urain 7 bilakatu ziren armagin onenak erasoan. Orain bai, gure jokalarien baitan dago eta datorren asteko Beti Onak taldeari egin behar dioten bisitan puntua eskuratuta sailkatuta egongo lirateke. Behin hau lortuta, lehen postuari eustera
