Eibar Eskubaloi taldeen balentriak ez du etenik.Oraingoan, Hierros Servando Eibarren bigarren taldeak beste ekintza gogoangarri bat burutu du Bigarren Nazional mailara igo eta gero. Multzoko bigarren partida Ordizia Siglo XX Plater Prestatuaki irabazi ondoren (30-26), matematikoki lortu zuten igoera. Bukaera arte erabaki ez zen emozioz beteriko norgehiagoka izan zen, non atezainen gelditu eta gutxiagotasun egoeretan erakutsitako mailari esker bi puntuak lortu zituzten. Ormaiztegi eta Egia Kosko Taberna taldeen arteko berdinketari esker, mailaz igotzea lortu zuten gure mutilek. Zorionak guztioi.

Lehen zati oso ona 25. minuturarte. Gero, kaleratze eta huts egiteengatik gol bakarreko aldearekin iritsi da taldea atsedenaldira. Bigarrenean taldea oso ondo kamtxaratu da eta erasoan ondo jolastuaz 4-5 goleko errenta lortu dute, neurketa irabazteko balio izan dutenak.

Taldeak buelta eman dio gaizki hasi duen neurketari. Lehia gogorra izan da eta atsedenaldia eta gero irauli du taldeak markagailua jokalari guztien lanari esker.

Neurketa nahiko trabatua, hasieratik izan da nagusi gure taldea. Aldea mantentzea lortu da joko ona egiten. Talde osoaren lan bikaina orokorrean. Garaipen oso garrantzitsua goi partean mantentzeko.