![528A8711](https://www.eibareskubaloia.eus/wp-content/uploads/2022/10/528A8711-e1667506737217-420x280_c.jpg)
Liga txapelketako azken jardunaldia gizonezkoen Mecalbe Eibar Eskubaloi taldearentzat. Laugarren postuan dira orain eibartarrak 37 punturekin eta larunbatean Trapagaran jasoko dute Ipuruan arratsaldeko 19etan, posizio hori eusteko helburuarekin. Tolosak ere 37 ditu, baina etxetik at arituko da Beti Onaken aurka. Gogoratu azken jardunaldiko ordutegiak bateratuak izango direla, hau da, partida guztiak ordu berean hasiko direla.
Lehia polita espero da asteburuan, nahiz eta jada ez daukaten ezer jokoan bizkaitarrek, garaipenaren bila irtengo dira. Armaginek, bestalde, irudi onarekin agurtzea nahi dute denboraldia, zaletuen aurrean izan da gainera, behar den moduko agurra eskaini nahi diete guztiei. Eder Delgado eta Victor Cabado dira horien jokalaririk arriskutsuenak erasoan. Bizkaitarrak nagusitu ziren joaneko norgehiagokan, beraz, errebantxaren bila joango dira eibartarrak. Dakizuenez, partida klubeko Youtube kanal ofizialean zuzenean ikusgai egongo da.