ASTEBURUKO PARTIDAK

Gabonetako geldialdia baino lehen azken hitzordua du gizonezkoen Arrate Eibar taldeak igandean 12etan Uharteren kantxan, Ugarrandia kiroldegian, hain zuzen ere. Gertatzen dena gertatzen dela, eibartarrek lehen postuan bukatuko dute urtea eta animoz gainezka, gainera. Ez da erronka erreza izango datorren asteburukoa, hala ere, olatu aparretan dabilen taldea da armagina eta duten maila erakusten badute, errezago puntuak eskuratzeko.

Denboraldia oso ondo hasi bazuten ere, hiru neurketa irabazi gabe daramate nafarrek, hori bai, maila handiko taldeen kontra. Puntu bat harramazkatzea lortu zuten Sugraf Zaragoza indartsuaren aurka, adibidez. Zortzigarren dira sailkatuta 12 punturekin. Etxean asko adoretzen den taldea da Uharte, beraz, tentuz ibili beharko dira eibartarrak eta duten guztia pistan utzi. Mikel Etxeberria eta Oier Lezaun dira nafarren jokalaririk erasokorrenak eta hurbiletik zaindu beharko direnak.

Gizonezkoen bigarren taldea, aldiz, Ipurua kiroldegian arituko da faseko azken jardunaldian Txikipolit Zarautz taldearen kontra, larunbatean arratsaldeko 16:30etan. 5. garaipenaren bila irtengo dira gure mutilak eta  irabazi eskero 4. bukatuko dute multzoan.

Emakumezkoen Arrate Eibar Eskubaloiak atseden hartuko du eta ez da itzuliko kantxetara urtarrilerarte. Bigarren taldeak, ordea, Urnieta Quil Abogados taldeari egingo dio bisita larunbatean arratsaldeko 18:00etan, Urnieta herriko udal kiroldegian jokatuko den lehian. Zazpigarren dira eibartarrak 8 punturekin.

Gogoratu Ipurua kiroldegian jokatzen diren partiduak Eibar Eskubaloi taldearen Youtube kanalean zuzenean ikusgai egongo direla. Hauek dira gure harrobiko beste taldeen asteburuko neurketak:

• Jubenil neskak Arrate Eibar Eskubaloia-Caravanas Oñate Aloña Mendi LAR 11:45 Ipurua
• Jubenil mutilak Tolosa-Eibar Eskubaloia LAR 13:30 Usabal kiroldegia, Tolosa
• Kadete neskak Usurbil-Arrate Eibar Eskubaloia IGA 11:30 Oiardo kiroldegia, Usurbil
• Kadete neskak Arrate Eibar Eskubaloia B-Urola Construcciones Antio LAR 10:00 Ipurua
• Kadete mutilak Tolosa-Arrate Eibar Eskubaloia LAR 12:00 Usabal kiroldegia, Tolosa
• Kadete mutilak Ereintza Beissier-Arrate Eibar Eskubaloia B LAR 17:45 Beraungo frontoia, Errenteria
• Infantil neskak Inmo Zumaia Pulpo-Arrate Eibar Eskubaloia LAR 16:00 Lubaki kiroldegia, Zumaia
• Infantil neskak Arrate Eibar Eskubaloia B-Tecnifuelle Elgoibar LAR 9:45 Universidad Laboral
• Infantil neskak Seguros Bilbao Orio-Arrate Eibar Eskubaloia IGA 11:30 Karela kiroldegia, Orio
• Infantil mutilak Arrate Eibar Eskubaloia-Txikixa Pulpo LAR 12:15 Universidad Laboral
• Infantil mutilak Hernani Leoka-Arrate Eibar Eskubaloia LAR 11:00 Universidad Laboral
• Alebin mutilak Arrate Eibar Eskubaloia-Zarautz IGA 10:15 Ipurua
• Beteranoak Egia beteranoak-Arrate Eibar Eskubaloia LAR 18:00 Aldapeta Maria Ikastetxea, Donosti