JARRAI DEZALA

Ligako bigarren jardunaldia Somos Eibar taldearentzat. Armaginak, Barakaldon arituko dira larunbatean arratsaldeko 6:30etan. Animoz gainezka heltzen dira kanpokoak partidara estreineko neurketa irabazi ondoren. Pasa den larunbatean ateratako etekinari jarraipena eman nahi dio Fernando Fernándezen taldeak. Etxekoak ere Beti Onak taldearen kantxan gainendu ziren joan zen astean. Lasesarre, eibartarrei oroitzapen onak ekartzen dizkieten pista da; azkeneko bi denboraldietan atera dira garaile gipuzkoarrak. Gainera, iaz, hiru partidu besterik ez zuten eibartarra ipuruatik at irabazi, bat Barakaldon.

Urban Cabero Balonmano Barakaldo eta Somos Eibar elkar ondo ezaguzten diren taldeak, beste denboraldi batez arituko dira nor baino nor. Kontuan hartu behar da Barakaldok,  jaitsiera postuetan bukatu zuela iazko denboraldia. Hala ere, Stadium Casablancak bere lekua utsi dio lehenengo maila honetan diru falta dela eta. Nahiko eraberrituak, Alberto Muñoz eta Fran Rodriguez jokalariekin indartu dute taldea. Dudarik gabe, Somos Eibar taldeari gauzak oso zail jarriko dizkion taldea.

BEHEKO MAILAK

Eibarko talde txikiagoentzat ere bigarren jardunaldia aste bukaera hontakoa. Emakumezkoen jubenilak, Grupo Mecalbe Eibarrek, Ereintza Beissier jasoko du Ipuruako kiroldegian goizeko 11:30etan. Gizonezkoak aldiz, Tekniker Eibar taldeak, Zumarragan arituko dira Urola Alai Hortz Klinika taldearen aurka. Ispillako kiroldegian izango da neurketa arratsaldeko 6etan. Bi kadeteak, bai neskak, Grupo Mecalbe Eibar, eta baita mutilak ere, Tekniker Eibar, etxean arituko dira. Lehenak La Salle Legazpi jasoko du Ipuruan 5etan. Bigarrenak Laboralean jolastuko dute Karakate Elgoibarren aurka goizeko 11etan.