San Andres erronka bikoitzarekin: garaipena etxean eta Basaurin

Ostiral hontan, gizonezkoen taldeak Uharte hartuko du Ipuruan, sailkapeneko bederatzigarren postuan dagoen eta lau puntura dagoen aurkaria. Lehia zorrotza izango da, fisikoak eta intentsitateak markatutakoa, azken norgehiagoka zuzenek erakutsi duten bezala.

Uhartek oso plantilla sendoa du, erasoan duen abiaduragatik eta bertikaltasunagatik nabarmendua, eta maila honetan gol gutxien jaso duen defentsetako bat izateagatik. Trantsizio azkarrak sortzeko gaitasuna erronka handia izango da armaginentzat. Hori dela eta, taldeak akatsak gutxitu eta aukerak aprobetxatu nahi ditu liderraren aurkako porrotaren ostean garaipenaren bidera itzultzeko, sailkapeneko goiko postuetarako borrokan mantenduz.

San Andres egunarekin bat eginez, emakumezkoen taldeak konpromiso garrantzitsua hartuko du Basaurin. Aukera paregabea izango da bi puntu batzeko eta eguna garaipen batekin ospatzeko.

Partidaren gakoak atzean egongo dira, Basauri bere azkartasunagatik eta aurkarien galerak kontraerasoko gol bihurtzeko duen gaitasunagatik nabarmentzen baita. Erasoan, Eibar Eskubaloi taldeak Nerea Elicegi (ligako goleagile onenetakoa) eta June pibota (arriskutsua espaziora egindako mugimenduetan) geldiarazi beharko ditu.

Galerak saihestea, kontraerasoa kontrolatzea eta defentsan sendo mantentzea izango dira emaitza ona ateratzeko eta denboraldi honetan hazten jarraitzeko oinarriak.