NORGEHIAGOKA KONPLIKATUA

17. jardunaldia Somos Eibarko mutilentzat, Urban Cabero Balonmano Barakaldo arerio dutela. Ez da neurketa erreza izango, talde indartsua bait da bizkaitarra nahiz eta nahiko irregularra izan, bi garaipen jarraian daramatza eta kontuan hartzeko jokalariez osatzen da; nogehiagoka larunbatean arratsaldeko 6:30etan jolastuko da Ipuruako kiroldegian. Beti Onaki irabaztetik datos eta zortzigarren dira 16 punturekin, eibartarrak baino hiru gehiago. Horretaz gain, C taldeko golegile nagusienak dira barakaldarrak eta Endika Martinez, bere jokalaririk eraginkorrena erreferente dutela, armaginen defentsa estutzera eramango dute.

Bi taldeen arteko azken lehian, lehenengo itzulikoan, talde horitxoak irten ziren garaile azken segunduetan neurketa erabaki eta gero, gol bakar batez. Horrelakoa espero da izatea larunbateko partida, parekatua eta oso lehiatua. Fernando entrenatzaileak azpimarratzen duen bezala, “zaila bezain garraitzitsua da guretzat larunbateko neurketa, gainera liga honetan dagoen mailarekin ezinbestekoak dira etxekoak aurrera ateratzea”. Bai Xabier Azconizaga baita Eneko Garetxana ere zalantzan daude pistaratu a la ez, ea nola aurkitzen diren.

Gure talde seniorrek berriz ere Ipuruan arituko dira beste astebetez 12. Jardunaldian. Grupo Mecalbek larunbatean du hitzordua 4:30etan Urnieta Quel Abogadosen kontra eta mutilek Donibane hartuko dute bisitari igandean 11:45etan. Etxean arituko dena baina Unibertsitate Laboralean Mecalbe jubenila izango da, Usurbil jasoko du larunbatean arrtsaldeko 4:30etan; Teknikerrek ere Unibertsitatean  jokatuko du eta ratxari jarraipena ematea izango du helburutzat, seigarren garaipena, Saieko-La Salleren aurka larunbatean goizeko 11:30etan.

Mecalbe taldeari, kadete mailan atsedenaldia hartzea tokatzen zaion bitartean, Muelles Zalduakek Donostira bidaiatu beharko du larunbatean Egiako bigarren taldearen kontra aritzeko arratsaldeko 4:45etan auzoko kiroldegian. Autobusa hartu beharko dute Komat taldekoek ere Bergararen aurka jolasteko Labegaraietako kiroldegian larunbatean arratsaldeko 6etan. Azkenik, Tekniker aipatzea nahi genuke, joan zen asteburuan Gipuzkoako txapeldun bilakatu bait zen matematikoki eta igande goizean etxean, etxeko jendearekin ospatzea nahiko lukete. Arerioa Egia Indaux izango 10etan jokatuko den lehian.

Urkotronikek Saieko-La Salle jasoko du Ipuruan infantil mailan, larunbatean goizeko 10:30etan; Mecalbe ere kiroldegian arituko da Ereintza Aguaplasten aurka 11:45etan; Ametsak aldiz liga berri bat hasiko du larunbatean, Aldundiaren txapelketa deritzona, Andoainen arituko dira neskak Leizaran Txuriaren kontra larunbatean goizeko 10:30etan Allurralde kiroldegian; Hierros Servandok, Saieko-La Salle Beltza bisitatuko du larunbatean eguerdiko ordubatetan Donostiko La Salle kiroldegian eta Bengoa Elektrizitateak La Salle Legazpi jasoko du Laboralean larunbatean goizeko 10etan.